Ođđa dálkkádatláhka fápmui suoidnemánus
Tiedote
Dálkkádatláhka lea Suoma riikkavuložiid dálkkádatbarggu vuođđu. Ođasmahtton dálkkádatlágas ásahit luoitingeahpedanmihttomeriid jagiide 2030, 2040 ja 2050. Lassin láhkii lea girjejuvvon vuosttas geardde mihttomearri, ahte Suopma lea čitnaneutrála jagi 2035 rádjai.
Stáhtaráđđi evttohii lága nannema 9. geassemánus. Dásseválddi presideantta lea dárkkuhus nannet lága 10. geassemánus ja dat boahtá fápmui 1. suoidnemánu 2022.
”Ođđa dálkkádatláhka lea Supmii eallindehálaš. Dálkkádatláhka dorvvasta gudneáŋgiris dálkkádatbarggu joatkašuvvama válgabajiid badjel. Dálkkádatláhka lea maiddái duođaštus máilbmái, mo sáhttit hukset čitnaneutrála buresveadjinstáhta 2035 rádjai, Dat lea maiddái fitnodagaide nana signála, ahte Suomas gánneha investeret buhtes čovdosiidda”, dadjá biras- ja dálkkádatministtar Maria Ohisalo.
Lágas ásahuvvo dálkkádatpolitihka plánain. Láhka viidu guoskat eanageavahansektora dahjege eanageavaheami, vuovdedoalu ja eanadoalu luoitimiid ja dasa boahtá vuosttas geardde mihttomearri, ahte čitnanjielut nannejuvvojit.
“Eanageavaheami sisa bidjan dálkkádatláhkii lea guovddáš buorádus. Mis leat olu vejolašvuođat eanageavaheami bealde vuvddiin, huksemis ja eanadoalusge luoitimiid geahpedeapmái, ja čitnanjieluid nannemii”, árvvoštallá ministtar Ohisalo.
Ovddit dálkkádatláhka bođii fápmui jagi 2015 ja dat sisttisdoallá luoitingeahpedanmihttomeari jahkái 2050. Ođđa dálkkádatláhkii girjejuvvojit Suoma dálkkádatpanela ávžžuhusaide vuođđuduvvan luoitingeahpedeamit jagiide 2030 ja 2040 ja jagi 2050 mihttomearri beaiváduvvo. Luoitingeahpedeamit leat -60 % jagi 2030 rádjai, -80 % jagi 2040 rádjai ja -90 % ja figgat goittotge -95 % jagi 2050 rádjai go veardiduvvo jagi 1990 dássái.
Njeallje plána luoitimiid geahpedeapmin
Lága eanemus mearkkašahtti stivrenvuohki leat riikkaviidosaš dálkkádatpolitihka plánat. Dálkkádatlágas ásahit njeallje riikkaviidosaš dálkkádatpolitihka plánas, main meroštallon doaimmain Suoma šaddogárdegássaluoitimat geahpeduvvojit ja dálkkádatnuppástussii vuogáiduvvat. Lágas ásahit:
- gaskaguhkes áigegaskka dálkkádatplánas,
- dálkkádatnuppástussii heivehanplánas
- guhkes áigegaskka dálkkádatplánas
- eanageavahansektora dálkkádatlánas.
Láhka guoská virgeoapmahaččaid ja dat geatnegahttá ministeriijaid válmmaštallat sierra dálkkádatpolitihka plánaid. Dálkkádatpolitihka plánenvuogádaga mihttomearrin lea bealistis sihkkarastit dálkkádatdoaimmaid vuoiggalašvuođa ja suvdilis ovdáneami.
Stáhtaráđđi čuovvu, fáhtetgo Suoma dálkkádatmihttomeriid ja dárbbašatgo lasi doaimmaid. Jahkásaččat almmustahtton dálkkádatjahkemuitalusas galgá boahttevuođas árvvoštallat, leatgo dálkkádatdoaimmat doarvái čuovvovaš 15 jahkái.
Sápmelaš dálkkádatráđđi oassin dálkkádatpolitihka válmmaštallama
Sápmelaččaid ealáhusat ja kultuvra leat earenoamáš hearkki hávváduvvat dálkkádatnuppástussii. Ođđa dálkkádatlága mielde Supmii vuođđudat sápmelaš dálkkádatráđi, mii lea sorjjasmeahttun áššedovdiorgána. Dat doarju dálkkádatpolitihka plánaid gárvvisteami ja cealká dain sámekultuvrra geahččančiegas,
Mii dáhpáhuvvá čuovvovaččat?
Dásseválddi presideantta lea mihttomearri nannet dálkkádatlága 10. geasemánus.
Dálkkádatláhka dievasmahtto čakčat gielddaid dálkkádatplánaide laktásan muddemiin. Seammás ásahuvvo maiddái nuppástusohcamis dálkkádatlága heivehansuorggis. Dievasmahtti evttohus dálkkádatlágas lea cealkinláhkái 3. borgemánu rádjai. Dan lea dárkkuhus addit riikkabeivviide čakčat 2022.
Dálkkádatlága vuođul addojuvvojit guokte stáhtaráđi ásahusa. Dain lea dárkkuhus ásahit dárkileappot Suoma dálkkádatpanela ja sámiid dálkkádatráđi doaimmain ja čoahkkádusas
Lassedieđut
Sameli Sivonen
Biras- ja dálkkádatministara sierraveahkki (ministara jearahallanbivdagat)
050 406 6855
[email protected]
Riikka Yliluoma
Biras- ja dálkkádatministara sierraveahkki
050 414 1682
[email protected]
Jarmo Muurman
Birasráđđi
birasministeriija
0295 250 185
[email protected]
Outi Kumpuvaara
Hálddahusčálli
birasministeriija
0295 250 225
[email protected]
