Skrivartävlingen Min nordliga natur

Mu davvilundon -čállingilvu

​​​​​​​

Mu davvi lundon -čállingilvvus mánát ja nuorat muitale prosadeavsttaiguin ja divttaiguin, maid sii jurddašit árktalaš luonddu mearkkašumis iežaset eallimis. Birasministeriija ja riikkaradio Yle oktasaš čállingilvui serve 91 máná ja nuora Gáregasnjárggas Helssegii. Gilvvu vuittii dušše guđajahkásaš Anton Soudunsaari.

Čállingilvui bovdejuvvoje poláragierddu davábealde orru mánát ja nuorat sihke lullelis orru mánát ja nuorat, geain leat muosáhusat ja jurdagat árktalaš guovllu luonddus. Oasseváldit bivdoje suokkardit luonddu máŋggahápmásašvuođa, birrasa nuppástusaid ja boahtteáiggiset davvin.

Dálkkádatrievdan ovdána árktalaš guovlluin badjel njealji gearddi jođáneappot go gaskamearálaččat máilmmiviidosaš dásis ja lea mielddisbuktán jođánis nuppástusaid guovllu eallinbirrasis ja šlájain. Jođánis birasrievdadusain leat ollilis váikkuhusat oba máilmmi luonddu máŋggahápmásašvuhtii.   

Čállingilvvu ulbmilin lei oažžut mánáid ja nuoraid guorahallat árktalaš luonddu ja dan rievdadusaid mearkkašumi sihke váfistit sin jiena beaggima.

“Sihke oaidninvugiid ja hámiid dáfus máŋggabeallásaš čállosiin vuhttoje máŋggat árvvut ja mearkkašumit, ipmárdus olbmo ja eará luonddu oktavuođas sihke fuolla luonddu duššamis. Vuoitideavsttas gulloje čielgasit čálliid iežaset jietna, čállima illu sihke sáhkasisdoalu gaskkusteami hállu ja dárbu” dadjá gilvvu duopmáriid ságadoalli Mia Rönkä.

Vuoitidikta govvida luonddugaskavuođa

Čállingilvvu váldovuoitin bálkkašuvvui 6-jahkásaš Anton Soudunsaari. Ávvos ja guoskkaheaddji deaksta govvida mearkkašahtti ládje máná luonddugaskavuođa. Soudunsaari iežas jienain ja beali váldi dikta bohciidahttá guorahallat luonddu dili ja olbmonai boahtteáiggi.   
Ráidovuoitin bálkkašuvvoje ovdaskuvlamánáid–2. luohká mánáid diktaráiddus Vanessa Huittinen ja prosaráiddus Sylvia Puominen. 3.–6.-luohká mánáid diktaráiddus bálkkašuvvui Lilja Laivamaa ja prosaráiddus Mikael Särkelä. 7.–9- luohká mánáid diktaráiddus bálkkašuvvui Noomi Linjama ja prosaráiddus Vieno Rauhala.  

Gilvodeavsttat furkejuvvojit kulturárbbi oassin: visot deavsttat arkiverejuvvojit Suopmelaš Girjjálašvuođa Searvvi arkiivii.

Vuoitit ožžot bálkkašumi lassin duopmáriid árvvoštallama deavsttasteaset. Gilvvu duopmáriidda gulle dutki, diehtogirječálli, dieđadoaimmaheaddji ja diktačálli Mia Rönkä (suomagiella), oahpaheaddji, jorgaleaddji, dutki ja girječálli Petter Morottaja (anárašgiella), sámi giellaráđi ságadoalli Tauno Ljetoff (nuortalašgiella), rap-artista Áilu Valle (davvisámegiella), kulturdoaimmaheaddji ja sátnedáiddaskuvlejeaddji Aleksis Salusjärvi (suomagiella), mánáidgirječálli, sátnedáiddabajásgeassi ja skuvladáiddár Veera Vähämaa (suomagiella), diktačálli, aforistihkar, nuoraidgirječálli ja nuoraidbargi Marko Laihinen (suomagiella) ja girječálli Johanna Holmström (ruoŧagiella).

Lassidiehtu:

Lotta Manninen
birasráđđi
[email protected]
t. 0295 250 226